支援
港式台灣麻雀（港式台牌）· Heion Technologies
最快嘅方法:喺 app 入面㩒「意見」。
如果係打緊牌嗰陣出事,喺嗰一鋪完咗之後即刻寄 —— 咁會連埋嗰鋪牌一齊送出,我可以喺自己部機重播同一鋪,唔使你解釋。
離線使用
第一次開過之後,單人打牌、計番機、叫糊練習、番數表同玩法教學都可以離線用。網上房間同帳戶需要連線。
常見問題
- 點解靜音模式冇聲?
- 正常應該有。如果冇,請喺 app 入面寄意見 —— 報告會自動帶埋音效狀態。
- 點解叮咗之後唔俾我揀打邊隻?
- 叮（聽牌）之後係「隨摸隨打」,摸到咩就打咩,係規矩,唔係 bug。app 會自動幫你打。
- 點解我食唔到糊?
- 多數係「過水」——之前讓咗一個可以食嘅糊,就要等下一次摸牌先解封。玩法教學入面有詳細解釋。
- 我嘅記錄會唔會唔見咗?
- 記錄存喺你部機。刪 app 或者清除網站資料就會冇咗,而家未有雲端備份。
- 同朋友玩,入唔到房?
- 四個人要用同一個版本。如果 app 話你落後咗,更新咗先再入。
- 要唔要登入?要唔要俾錢?
- 所有功能而家都免費:單人打牌、入房同開房都唔使登入。你可以自選用 Apple、Google 或電郵登入帳戶,方便日後喺同一裝置登入;帳戶唔會改變牌局玩法。
- 收唔到電郵登入連結 / 驗證碼?
- 檢查垃圾郵件匣,並確認地址冇打錯。連結同 8 位驗證碼只可用一次,10 分鐘後失效;你可以返去「帳戶」再寄一次。喺 Instagram 等社交 app 入面開頁,可以用電郵驗證碼;登入連結如開唔到,撳「用 Safari 開」或者複製連結去 Safari。
- 而家要唔要付款?
- 唔使。所有功能而家免費，付款未開放，亦冇訂閱或自動續期。日後如有改動，會先喺 app 公告清楚說明。
- 點樣加入主畫面?
- 用 Safari 開網頁,撳「分享」→「加入主畫面」。Android Chrome / Edge 如出現安裝提示,可以撳「安裝」;亦可以用瀏覽器選單加入主畫面。Instagram 內置瀏覽器未必可以安裝,請先用 Safari 或 Chrome 開。
- Safari 七日唔開會唔會唔見咗進度?
- Safari 可能會清除長時間冇使用嘅分頁網站資料;單人進度同記錄預設只存喺呢個瀏覽器。重要資料請定期用設定入面嘅「搬屋碼」搬去另一個位置,或者收藏資料留底。搬屋碼只可用一次,15 分鐘後未使用會失效。
- 換機點搬進度?
- 舊機喺設定選「搬出」產生一次性搬屋碼,新機喺設定選「搬入」輸入。搬屋碼會搬你選擇嘅設定、玩家名、玩牌記錄、收藏牌局同單人未完局;成功讀取後伺服器即刻刪除,未使用 15 分鐘亦會刪除。
- 換咗新機點登入?
- 如果你之前選擇過用 Apple、Google 或電郵登入，只要用同一方式即可。不登入一樣可以單人打牌、入房同開房。
- 點樣刪除帳戶?
- 見刪除帳戶。
- 番數同我哋枱唔一樣?
- 番數表每一行都改得,亦有幾個現成番表揀。喺「番數表」入面改。
直接聯絡
terencemakkahei@gmail.com