港式台灣麻雀（港式台牌）· Heion Technologies · 最後更新 2026-10-05
單人打牌唔需要帳戶,亦唔需要上網。帳戶係自選嘅;而家所有玩法（包括網上開房）都唔使登入。呢個 app 冇第三方分析工具,亦唔會賣任何資料。 有網絡嘅時候,app 會將匿名嘅使用統計送去我哋自己嘅伺服器(見下面「使用統計」),但唔會送出你嘅牌、名或者任何你打落去嘅嘢。
以下全部存喺你部機嘅本機儲存空間（localStorage）,唔會自動上傳:
| 乜嘢 | 點解要 |
|---|---|
| 你嘅設定（名、音效、番數表、枱規等） | 下次開返一樣 |
| 未打完嘅牌局 | 俾你繼續 |
| 玩牌記錄（分數、流水） | 事後對數 |
| 房號同座位憑證 | 斷線之後返得返個房 |
| 登入咗嘅話:一個登入憑證 | 下次唔使再登入;登出就刪走 |
| 喺呢部機最早用呢個 app 嘅日期 | 將來俾早期玩家優惠時認得你;而家唔會用,亦唔會上傳 |
刪除 app 就會一併刪走。
你可以自選用 Apple、Google 或電郵登入，方便你日後用同一登入方式搵返帳戶。登入之後,我哋喺自己嘅伺服器存以下嘢:
| 乜嘢 | 點解要 |
|---|---|
| 一個我哋自己隨機產生嘅帳戶編號 | 認得係你嘅帳戶 |
| Apple / Google 識別碼，或者你確認過嘅電郵地址 | 你下次用同一方式登入搵返同一個帳戶;已連結嘅方式會入同一個帳戶 |
| 帳戶電郵(提供者確認咗嘅，或者你用電郵驗證過嘅；Apple「隱藏我的電郵」會用嗰個轉寄地址) | 處理登入或刪除查詢 |
| 開帳戶日期 | 記錄 |
| 帳戶狀態同每個月開咗幾耐房 | 維持帳戶資料；現時所有網上開房免費，未有會員付款或計時限制 |
電郵登入時,未完成嘅登入請求會暫存正規化後嘅電郵地址同 token / 驗證碼嘅 pepper 雜湊;10 分鐘後失效,並由最多每 15 分鐘一次嘅清理刪除。token 同驗證碼原文只用嚟寄出,唔會存入資料庫。為防止猜碼同洗版,伺服器會暫存由 IP 同電郵計出嘅 pepper 雜湊限流識別碼及次數;限流一小時,過期後由每 15 分鐘清理刪除。原始 IP 唔會存入帳戶資料庫或登入請求。
登入電郵由 AWS SES（新加坡區域）代寄;服務會收到收件電郵地址同登入訊息,只用嚟送出驗證電郵,內容無追蹤像素。退信或投訴事件如日後有設定保留,會再喺呢度交代。
你提交電郵地址後,我哋會將正規化電郵地址、電郵雜湊、登入 token 雜湊、8 位驗證碼雜湊、建立時間、10 分鐘到期時間、錯誤次數、可選嘅目標帳戶及使用狀態放入登入請求記錄。原始 token 同驗證碼唔會存入資料庫;成功使用、超時或清理後會刪除請求。每小時嘅 IP / 電郵限流識別碼同次數用 pepper 雜湊保存,一小時限流窗口過後由每 15 分鐘清理程序刪除;原始 IP 唔放入登入請求表。
目前未提供付款或會員購買。我哋唔會收集信用卡資料、付款識別資料或收據。日後如開放付款，會先更新本頁、服務條款和 app 內說明。
唔會存:密碼、真名、電話、信用卡或者完整付款資料。登入憑證喺伺服器只存雜湊值,180 日冇用就刪走。登入嗰陣 Apple / Google 會知道你登入咗呢個 app;各服務點處理你嘅資料,請睇返佢哋自己嘅私隱政策。
呢組功能只喺明確開放嘅站點提供。未開放時，玩牌記錄仍只存喺你部機。開放後，你可以登入並主動揀同步；唔登入亦可以繼續玩同保存本機記錄。
同步會保存每場嘅隨機編號、玩法、單人或網上模式、參與起點、鋪數、勝負／流局／自摸／出銃及托管統計、原始番或點嘅淨數、完成狀態同版本；另可保存你揀嘅顯示名、聲音、主題、字體、提示、難度、執牌次序同各玩法枱規、自訂番表及越搭定義。唔會同步登入憑證、作者碼、金手指開關、房間座位憑證或裝置識別碼。呢啲戰績係裝置提交，唔係經伺服器核實嘅競技評分。
建立朋友資料會保存你選嘅公開顯示名、可更換嘅隨機朋友碼、分享選擇、朋友請求雙方、狀態、最後處理者同版本。每小時請求次數用帳戶編號限流。朋友要雙方接受，而且你主動開啟分享，先可見同玩法、同模式嘅總統計；朋友睇唔到你嘅私人逐場記錄、電郵或登入方式。停止分享、移除或封鎖會撤銷之後嘅讀取權限；已被對方睇過嘅資料無法收回。
你可以停止自動保存。已有雲端資料保留到你刪除帳戶；刪除帳戶會同時刪除呢啲私人戰績、偏好、朋友資料、關係同限流行。舊登入憑證唔可以重新建立已刪除帳戶嘅資料。本機記錄由你自行清理，備份仍按下列 30 日期限保存。
喺 app 或者網頁版(twmj.hoitoi.hk)入「帳戶」→「刪除帳戶」就得,唔需要裝 app。詳細步驟:刪除帳戶。
為咗知道有幾多人用、幾時最多人玩、每次玩幾耐、邊啲功能有人用,app 會將以下嘢送去我哋自己喺 Cloudflare 嘅伺服器。唔經任何第三方,冇用 Google Analytics 或者 Firebase,亦唔會攞廣告識別碼。
| 乜嘢 | 點解要 |
|---|---|
| 一個隨機裝置編號(同寄意見用嗰個係同一個) | 數有幾多部機用緊、有冇返嚟再玩 |
| 開 app、每分鐘仲開緊、打開咗邊個畫面 | 知道幾時最多人玩、每次玩幾耐 |
| 前景心跳當時嘅使用模式：一般使用、單人遊戲、網上遊戲或叫糊練習 | 按小時統計活躍裝置、遊戲時間同熱門時段；同一分鐘同一模式只計一次 |
| 呢部機有冇設定作者碼(只係是 / 否,唔會送出作者碼) | 分開本人測試同玩家使用數字 |
| app 版本同平台(網頁 / iPhone / Android) | 知道要支援邊啲版本 |
| 而家係用瀏覽器、已加到主畫面，定喺社交 app 入面開；瀏覽器有冇安裝提示或安裝指引 | 知道玩家點樣開 app，同埋邊啲裝置可以直接安裝 |
| 字體大小、主題、出牌提示、音效、報牌嘅設定 | 決定預設應該點揀 |
| 開枱嘅玩法(有冇百搭、越搭、換牌、打幾圈、難度、用邊個內置番表)同有冇打完 | 知道邊啲玩法多人玩 |
| 開房定入房 | 知道網上玩得幾多 |
| 埋單後邀請分享嘅結果（分享、複製或失敗）同單人／網上模式；邀請連結嘅來源標記 | 了解有幾多人分享遊戲，同連結帶來幾多訪問；唔會記錄收件人或訊息內容 |
| 叫糊練習答啱定答錯、練緊邊一種 | 調整練習難度 |
| 有冇撳公告嘅連結 | 知道公告有冇人睇 |
| app 出錯時嘅錯誤訊息 | 修正問題 |
| 用網頁版時由邊個網站連過嚟(淨係網站名) | 知道人喺邊度搵到我哋 |
用量統計唔會送出:你嘅帳戶或者登入資料(統計連唔去你嘅帳戶)、你嘅牌、出牌、房號、你或者電腦玩家嘅名、你自己存嘅番表名、任何你打落去嘅文字、位置、廣告識別碼。伺服器處理登入、開房、意見同限流時會見到 IP;意見限流資料另有保存,詳情見下文。
分鐘觀察資料每日最多新增 10,000 行（app 同網上枱樣本合計；呢個係觀察記錄行數上限）。原始分鐘資料保留 14 日；超出每日上限時，未能記錄嘅時段會標示為資料不足。Heion Ops 會保留按小時彙總嘅活躍及遊戲統計。上面所講嘅「單人遊戲 / 網上遊戲」只喺 app 前景而且每分鐘心跳送到時記錄；背景、離線或送唔到心跳嘅分鐘唔會估算補返。
個裝置編號係隨機產生,入面冇你嘅名或者任何身份資料;刪除 app 或者清除網站資料之後就會換過一個新嘅,之前嘅統計亦連唔返去你。喺開發機上面運行、未提交嘅版本唔會送出統計。
只有你主動㩒寄出,先會有資料離開你部機。嗰陣會送出:
| 乜嘢 | 點解要 |
|---|---|
| 你打嘅文字同評分 | 就係你想講嘅嘢 |
| 你填嘅名（可以唔填） | 回覆同分辨 |
| 當時嘅畫面名、app 版本、螢幕尺寸、瀏覽器字串、音效狀態 | 重現你遇到嘅問題 |
| 如果係牌局意見:嗰一鋪牌嘅內容（牌、出牌次序、結算） | 喺開發機重播同一鋪牌 |
| 一個隨機裝置編號 | 防止洗版 |
| 你嘅 IP 位址 | 防止洗版 |
唔會送出:通訊錄、位置、相片、麥克風、廣告識別碼,或者任何同你身份有關而你冇自己打落去嘅嘢。
開房或者入房嗰陣,你嘅玩家名、房號同牌局狀態會經 Cloudflare 嘅伺服器傳俾同房嘅人。 房入面冇人之後保留 5 個鐘,然後刪除。⚠️ 你打嘅玩家名同房嘅人見到,所以唔好用真名或者敏感字眼。
匿名用枱統計:開咗網上枱之後,伺服器會記低一行統計 —— 幾時開枱、打咗幾多鋪、最後一鋪幾時完、有冇打完、枱上有幾多個真人、打幾圈,同埋有冇玩百搭(幾多隻)、越搭或者換牌。進行中而且有人連線嘅網上牌局,另會每分鐘記一個匿名枱面樣本,用嚟計同一時間有幾多枱玩緊;樣本只用伺服器隨機枱局編號,唔會連去玩家裝置。 唔記玩家名、房號、座位憑證、IP 或者任何裝置編號。每行得一個伺服器自己隨機產生、從來唔會傳俾任何人嘅編號,所以連唔返去任何人。用嚟知道網上枱實際用得幾多、開幾耐,安排伺服器同將來嘅會員。單人打牌唔會有呢樣。
搬屋碼:只有你喺設定或指定選單主動產生搬屋碼,先會上載你選擇搬嘅資料(包括設定、玩家自己輸入嘅名、玩牌記錄、收藏牌局、未打完嘅單人局同最早使用日期)。唔包括帳戶識別碼或登入 token、裝置編號、作者碼、房間憑證。資料存喺一次性搬屋碼嘅 Durable Object;輸入搬屋碼讀取後即刪除,冇人用就 15 分鐘後刪除。伺服器會由 IP 位址計出限流識別碼,限制每個鐘最多 10 次搬屋請求;識別碼同次數一小時後清除,IP 唔會放入搬屋資料。
帳戶資料存喺 Cloudflare D1 一個獨立嘅資料庫,每日備份去 Cloudflare R2,由 Heion Technologies 保管。 意見存喺 Cloudflare D1(美國/全球邊緣網絡),由 Heion Technologies 保管,只用嚟改善呢個 app。 牌局資料保留到問題解決為止;你想刪走自己寄過嘅意見,電郵嚟講聲就得。 匿名用枱統計都係存喺 Cloudflare D1;因為連唔返去任何人,冇辦法、亦唔需要按人刪除。 使用統計存喺另一個 Cloudflare D1 資料庫,只用嚟改善呢個 app。佢連住嘅係一個隨機編號而唔係你,所以我哋冇辦法由你嘅身份搵返你嘅紀錄;想重新開始,刪除 app 或者清除網站資料就得。
呢個 app 唔係專為 13 歲以下人士而設,亦唔會刻意收集佢哋嘅資料。
呢個 app 係計番遊戲。冇真錢賭博、冇任何形式嘅投注或者兌換。 「番」同「番錢」淨係遊戲入面嘅分數,唔可以買、唔可以賣、唔可以換錢。 所有分數只喺遊戲中使用,無法提取現金,我哋唔接受玩家之間嘅賭注或轉帳。
Heion Technologies —— terencemakkahei@gmail.com